قصة واقعيةلعروسين وليلةمضحكةههههههه

سلااااااااااااااااااااااا اام.,

القصة هذي منقوله من احد الاخوان وما طول عليكم :

هذا واحد توه معرس وخلصت الزفه والامور اللي في القصر.. اخينا في الله اخذ العروسة
وركبوا في السياره .. ودعس لديرتة لان من سكان مدينة ثانية..
الله من زين شهر العسل موديها لديرتة ..
مسك خط الرياض القصيم وسم بالله ..

والبنيه تستحي ومبرطمه طول الطريق .. والرجال ماغير يسولف ويهذر والبنيه
سااااكته .. مااااا حولك احد ..

الرجال يأس من البنت انها تتكلم .. وقال يا ولد ما وراها هذرره اشغل المسجل
وامسك الخط ..

في الوقت نفسه البنت كانت حسرانه ومتوهقه .. تستحي تتكلم عشان تقوله ابي الحمام
الله يكرمكم ..

عاد هي قالت بعد اذنك تعبانة شوي برجع ورى اريح ، طمرت على المرتبه الي ورا عشان تريح و يخف عليها الوجع ..

وتقول في نفسها عساه يوقف في محطة ..

المهم الرجال شاف محطة و يصفط عندها ..

وينزل عند البقاله وياخذ له كيس فصفص وكم ببسي حق الطريق ..

البنت وقت ما نزل زوجها الا وتنقز للحمامات حقت الحريم اللي عند المسجد جنب البقاله ..

قالت يابنت بيمديني اطمر واخلص وارجع قبل لا يرجع هو من البقاله ..

المهم المسكينه راحت واخذت وقتها ..

اخينا في هالوقت رجع للسياره وعلى باله ما وده يزعج العروسة وكان اخر الليل ما انتبه انها مهيب في السيارة و وشغل ودعسسسسسسسس ..

البنيه المسيكينه طلعت وهي مرتاااااااااااااااحه و نقص من وزنها كم من كيلووووو ..

وتناظر يا بنت وين السياره ... وتتلفت ما تشوف غير الهنود حقين المحطه وابو يمن
حق البقاله ..

عاد تخيلو الصدمه يوم عرفت ان زوجها مهوب فيه .. جالسه تفكر يمكن راح منا ولا منا و بيرجع ..

البنية خافت على عمرها وشافت ذ1ك الجمس اللي مقبل يوم وقفوا عند البقاله اللي واقفة عندها تنتظر فارس احلامها ..

وتقز الحريم اللي في الجمس ... قالت زين عائله وتروح وترمي روحها على الحرمه اللي قدام ، وهي ام العائلة وتقول لها خالتي انا داخله على الله ثم علييك ..

وهذي قصتي والعجوز مسكت راسها ..

وقالت .. يابنيتي اركبي انتي تعرفين سيارت زوجك ..
قالت ايه اعرفها ..

خوينا راعي الفصفص ..

مريح و ماشي مشغل عبدالحليم ( قل ايه ) منسجم ع الاخر ..

حصلوه بعد نص ساعة ..

عاد تخيلوا انكم على طريق سفر و فجأة وراك جمس يكبس بالنور بشكل مخيف يبيك توقف وش ردة فعلك ..

الرجال دعسسسسسسسسس قال ياولد هذولا وراهم شي وخايف على السندريلا ..

والجمس وراه داعس يحاول معه انه يوقف .. المهم ابو العائله ذهين عرف وش يسوي .. ولع انورا لجمس اللي داخل السيارة ..عشان قيس يشوف ان اللي في الجمس عائله وما يخاف ..

..وأخيراااااااااااااا .. انتبه و يوقف ، قال وش عنده ذا ، ونزل وهو خايف ويسوي نفسه مستقوي ..

عاد توهق ابو العائلة يقول في نفسه وشلون اقول لقيس ان ليلى معنا ..

...يبي يجيبها بأسلوب تدريجي عشان العريس ما ينصدم .. خبركم مثل هالموقف وش
بيقولون عنه اهل العروسه ... اخذت بنتنا وضيعتها

ولله ان تل** فيك السالفه طول عمرك و العالم يتمشووون ولا عندهم سالفة غيرك ..
تصير علك دائم الحلى .. ولا تصف يم علك ابو سهم .. يتشمتون فيك.. المهم راعي
الجمس سلم وقال له اخوي ما كأنك مضيع لك شي

قال له العريس ... لا ولله ما ضيعت شي ..قال له تذكر و تاكد ..

قال العريس ... وشلون .. قال راعي الجمس .. رح طل في سيارتك شف في شي ناقص لك ..

العريس قام يوسوس حتى المشكله مرته ما جت على باله ..

..المهم راح ودخل خشته داخل السيارة وقال يا مره في شي طاح منك وحنى في المحطه ..محد رد عليه ..

تغير لون وجهه وقام يتنافض ..

معقوله ..

ورجع للجمس منزل راسة و طايح وجهه ..

...قال ابو العائله يالحبيب مرتك لقيناها ( حلوه لقيناها ) عند المحطه انا واهلي وقالت لنا انها نزلت للحمام وانت مشيت ولا دريت عنها ..

عاد العريس كل انواع النفاضات نزلت عليه تلعثم ولا قدر يتكلم قال ما دريت انها نازله كانت تعبانة وقالت بتريح في المرتبة اللي ورى وما حبيت انكد عليها ..!!

...المهم راعي الجمس راح وقال للعروسه ياللا بنزفك لموتركم انزلي ..

...المهم العروسه ركبت مع زوجها في السياره وانطلق لسانها اللي كان مربوط وقامت تتعذر له .

....وتقول لا تزعل مني انا كنت مستحيه اني اقولك اني طول الخط حسرانه ، وانت ما شاء الله عليك ركبت السيارة وحطيت رجلك وما جبت خبر ..

يا شين التميلح .. توها تتميلح .. عاد انقلب الوضع صار العريس
هو اللي مبرطم طول الطريق والعروسه الي قاعده تبربر ما بقى الا انها هي اللي تسوووق ..

عشان اخينا في الله مرتاع من اللي صار ..

لوووووووووووووول ان شاء الله اعجبتكم